يعنى ايه حسام

يعنى ايه حسام

يعنى حبيبى يعنى اجمل راجل فى الدنيا كلها يعنى اجدع صاحب اللى عرفت معاه بجد نوع من الامان والجدعنه وعدم الاستغلال

يعنى اقرب اخ ممكن يحسسك انه فى ضهرك مستنيك تلجأله

يعنى اجمل اب ممكن تشوف فى عنيه اجمل حنيه وخوف

يعنى اجمل حبيب لازم لما تقابله تحبه لانه فيهوش اى حاجه مش تتحب من حنان لرقه لجنان لحب مالوش حدود ولا مسافات

يعنى اجمل خطيب يوعد ويوفى يحب ويصدق فى حبه يخليك اكنك مالك اجمل ما فى الدنيا بايديك يعنى الخيال معاه حقيقه والحقيقه معاه اكنها احلام فوق تخيلك

يعنى اجمل زوج يحافظ عليا ويحطنى فى عينيه ويخلينى اشوف كل حاجه بعينيه هو يعنى امانى يعنى قوتى يعنى ضهرى يعنى حبى وعمرى يعنى الهوا اللى بتنفسه يعنى الحياه اللى نفسى اعشها كل يوم معاه وانا متاكده ان كل يوم هيبقى ليه شكل وطعم ولون جديد معرفتوش قبل كده غير معاه يعنى اجمل كلمه تتقال وقت ضيق تخفف عنى تعب سنين يعنى ارق ايد تلمسنى وتحضنى وتحتوينى يعنى اغمض وانسى نفسى وانا فى حضنه وجوا قلبه اللى مشوفتش زيه فى حياتى يعنى ارق ايد ممكن تمسح دموعى

واجمل قلب يتلهف عليا لو قولت اه يعنى اكرم راجل فى الدنيا يفضلنى عن نفسه فى اى حاجه ويفكر فيا قبل اى حد يعنى وجعى وجعه يعنى حزنى حزنه يعنى روحى اكنها روحه يعنى قبل ما انطق يحسنى ويقرانى

يعنى اجمل اب لاولادى اللى نفسى بجد اشوفهم فى حضنه واشوف كل نظره ليهم فى عنيه

دا حسام حبيبى اللى انا معرفتش اوصفه فى كلام

دا حسام اللى نفسى الاقى اى حاجه توصفه بس المشكله ان مفيش حاجه توفيه عندى لانى بحبه هو هو مش يتخيله

دا قلبى وروحى وعمرى

دا حياتى ودنيتى وقدرى

دا حبيبى عارف يعنى ايه حبيبى

يعنى الدنيا فى عنيا واغلى الناس عليا

بحبك

أجـمـل هـديــة

صباح الخير عليكي

النهاردة حالي احسن وفرحان مع ان مفيش حاجة مميزة تخليني افرح غير وجودك في حياتي اللي اكيد كافي بأني يخليني دايما مبسوط .

الايام عمالة تمر ما بينا صحيح اننا بعاد عن بعض والايام دي بتعديالا اني بجد بستمتع بكل يوم بيمر عليه وانا معاكي .

لإن مهما كان يكفيني إحساسي إنك في حياتي وإنك من حقي انا وبس ومش فاضل غير ايام ربنا يعديها على خير وتبقى معايا واحقق حلمي فيكي وبيكي .

حاسس براحة في قلبي وهدوء اكيد انتي عارفه سببه ربنا يديمها علينا نعمة 
ويهديني ليكي ويهديكي ليه ويكرمنا ببعض أحلى كرم إن شاء الله .

عارف يا آيه انا بجد مش عارف كنت ممكن اعيش ازاي لو مش كنتي في حياتي , حاسس إني أتغيرت بقيت حد تاني بجد انا حابه .

لا يمكن كنت هبقى بالشكل ده الا لو كنتي انتي وبس اللي في حياتي ومش حد غيرك .

حاسس إحساس جميل اوي يا آيه من جماله مش قادر اوصفه بس كل اللي اقدر اقوله اني حاسس برضا كبير أوي برغم كل الظروف اللي بنمر بيها سوا .

الإحساس إن ربنا بيعوضك بحاجة عمرك ما كنت تحلم بيها بالصورة دي عن كل حاجة عانيت فيها في حياتك واتحرمت منها مخليني بجد شاكر وحامد ربنا إنه كرمني بيكي .

نفسي تعرفي اني بحبك بجد زي ما أنتي لإن فيكي كل حاجة حلمت بيها .

الرضا اللي حاسه بيه بوجودي فــي حياتك                                      إحترامك لنفسك وإحترامك لإهلك وليه

إحساسك العالي وطيبتك ويــــا كبـريـــائـك                                     عقلك وجنونك تمييزك بين كل لحظة والتانية

طفـــولتك البريئة فــي كل مرة يبان حنانك                                     وحبك الحقيقي اللي بحس بيه بس ليه

وخوفك عليه وانتي بتهديني من بس نظرة في عينيه
كل ده كافي إنه يخليني افضل أشكر وأحمد ربنا

إنه بجد هداني اجمل هدية



أول مــــره

 

دايما كانت اول مرة في كل حاجة حصلت ما بينا مميزة وكان ليها شكل لا يمكن ننساه

بس حاسس أن دي أسوأ بداية لاي حاجة من يوم ما حياتي ارتبطت بحياتك

يوم ما فكرت اني اجي واكلمك واعمل حاجة حاسس انك هتحبيها

كان يوم فعلا عرفتيني فيه معنى القلق والخوف والوحدة وكل احساس وحش بجد ممكن احسه وانا بعيد عنك

إحساسي بإنك مش واخدة بالك من نفسك ومش مهتمة ومستسهلة أي حاجة 

خلاني وصلت لمرحلة الزهق واللي مش سهل اوصلها في اي حال من الاحوال وياكي

 حسيت اني زهقت من اهمالك في نفسك وانك مش عاملة لغربتي حساب

حسيت انك خوفك على نفسك متغيرش من لما كنتي عايشة حياتك لوحدك

لحد ما بقيتي مرتبطة بإنسان بيحبك بجد ونفسه يعمل اي حاجة في الدنيا  عشان يسعدك 

في المقابل انتي مجرد انك تاخدي بالك من نفسك عشان نفسك قبل ما يكون عشانه مش قادرة عليه 

هي دي البداية المرة دي اللي للآسف بعتبرها أسوا بداية ليه 

على اد ما انا متأكد من حبك ليه زي ما انا متاكد من حبي ليكي تمام

الا اني كمان متاكد انك ولا بتفكري تاخدي بالك من نفسك ولا عامله لده حساب 

ولا عامله حسابي ولا ايه ممكن يجرالي لو حسيت في يوم انك تعبانة حتى لو بالكدب

عامة معلش خيرها في غيرها ومتعوضة واسف اني أبتديت المرة دي البداية دي