بحبك أوى

بحبك أوي
  أكتشفت أني كل يوم بكتشف أني بحبك أوي


 لما يبقى يومي مقفل ومش لاقيله اي مخرج عشان ابقى كويس وبمجرد ما افتح الكمبيوتر والاقي صورتك اول حاجة تظهرلي وفجاة ابتسم وانسى انا كان مالي 
بكتشف أني بحبك أوي

 لما نبقى متخانقين ومفيش اي سبيل اننا نتفاهم وعلى غفلة اسمع ضحكتك المستخبية ومقدرش امسك نفسي من الضحك من حلاوتها 
بكتشف أني بحبك أوي

 لما انام ومعدتش اشوف في احلامي بحلوها ومرها غيرك انتي ولا كأني أعرف اي حد في الدنيا وفي حياتي غيرك 
بكتشف أني بحبك أوي

 لما اتفرج على شريط فرحنا و ابقى مركز اوي ومش  سامع اي حاجة تانية حواليه ولا شايف حاجة زي ما اكون طفل صغير بيشوف فيلم كارتون
بكتشف أني بحبك أوي

لما ابقى بدور على كل حاجة في يومي اربطها بيكي عشان في النهاية اجي واحكيلك او اجيلك او اقربلك او اعمل اي حاجة انتي فيها 
بكتشف أني بحبك أوي

 اما حتى واحنا متخانقين مقدرش على بعادك لحظة وابقى نفسي تقعدي ادامي حتى لو مش هتنطقي كفايا اني حاسس انك جنبي 
بكتشف أني بحبك أوي


 لما استخف كل بنات الدنيا باشكالهم والوانهم وابقى حاسس بقرف لما يبقى في اي حد في المحيط اللي انا فيه لاني حاسس ان مفيش مقارنة بينهم وبينك 
بكتشف أني بحبك أوي
 

صدقتي اني بحبك اوي ولا لسه؟